هدفنا ان مصر بلدنا ترجع لاصحابها تاني ونحافظ عليها

كل شعب وكل بلد ربنا مديها خير يخلي أهلها عايشين من غير جوع ولا ذل لحد. شفنا طول حياتنا بلاد كانت متدمرة ومش لاقيين ياكلوا... وأول ما ربنا بيوفرلهم ناس بيحبوا بلدهم وميسرقوهاش في السلطة.. ربنا بيكرمهم وبيخرجوا من الفقر والغم... مفيش غير البلاد اللي ماسكها النصابين والمرتشين والحرامية هي اللي بتفضل تقع وتنهار... لغاية ما تحصل كارثة مش عارفين هنوصلها امتي. احنا في المجلس الثوري هدفنا ان مصر بلدنا ترجع لاصحابها تاني ونحافظ عليها ونبنيها ونحميها ونحمى ولادها... كل واحد فينا مش لاقي يصرف على بيته ومش لاقي ياكل ولا عارف يعيش قدامه واحد بيسرق قوته وقوت عياله... المدرس والمحامي والمهندس والعامل والفلاح واصحاب المعاشات.... كلنا مسروقين ... بلد بحالها بتتسرق ليل نهار... بلد أكثر من نص أهلها بيناموا من غير عشا... بلد أطفالها بيهربوا منها ويموتوا في الصحرا والبحر... بلد ربنا بلاها بعساكرها مش راحمين الناس ولا سايبينهم في حالهم. مصر اللي سرقوها الحرامية لازم ترجع لاصحابها... احنا معاكم هنقولكم كل واحد فينا بيتسرق ازاي وهنعمل ايه علشان برجع بلدنا وفلوسنا وأرضنا خليك معانا على وسم #العسكر_سرق_مصر هنعرف ونفهم ونشتغل #المجلس_الثوري_المصري