طلبة مصر الرسالة الاولى

#الطلاب الرسالة الاولي 60% احنا من كل شعب مصر... 60 مليون احنا شباب وطلبة مصر.... بس عاملين زي الرمل اللي طاير في الهوا... ولا عارف رايح فين ولا هيعمل ايه... انتم عارفين اننا أكثر ناس في تاريخ مصر كنا بنأثر في كل تاريخها... في ثورة 19 وفي الثلاتينات لما فتحوا الكوبري على الطلبة وفي 77 لما خرجنا كل مصر في مظاهرات ... وفي 2011 واللي بعدها... كنا حاجة قوية جدا .... في التمانينات والتسعينات والألفينات طلبة الجامعة والثانوي كانوا بيهزوا مصر... كنا أقويا جدا.... دلوقتي بقينا ايه وبنعمل ايه... كل اللي بنكسبه ديون في ديون عمالين نتحمل بيها... طيب هنتعلم ازاي وهنبني حياتنا ازاي... وهنكمل ازاي... البشوات اللي فاكرين انهم اشتروا البلد بيبيعونا ببلاش... حد فيكم شايف ان مستقبله واضح ... غير طبعا ولاد البيه والباشا دول حاله خاصة... بس احنا التسعة وخمسين مليون التانيين... هنعمل ايه... ليه احنا مش حاسيين ان الارض دي ارضنا والبلد دي بلدنا... ليه راضيين بالسكوت وشايفين كل حاجه حوالينا بتضيع... كل واحد عاوز ينجو بنفسه ... بس خلاص مبقاش في فايدة لو مكناش كلنا كتفنا في كتف بعض... لو فضلنا كده مش بس هنموت من الفقر..لا كمان هنموت من القهر والذل... لازم نبني لمستقبلنا كلنا .. احنا الأقوى واحنا المستقبل... وهنبنيه على نضافة لو كنا عاوزين نعيش زي البني أدمين #المجلس_الثوري_المصري