المدرسين الرسالة الاولى

المدرسين - الرسالة الأولى كان زمان بيقولوا قم للمعلم ووفه التبجيلا كاد المعلم أن يكون رسولا... عارفين ان كل الدول اللي اتقدمت بعد ضياع زي اللي احنا فيه دلوقتي كان بالتعليم... تعليم ولادنا أهم حاجه تخلينا بلد محترم وعظيم... تخلينا نرفع روسنا بين الناس... والتعليم من غير مدرسين بيحبوا شغلهم مش ممكن يتم... شوفوا ايه اللي حصل في المدرسين والمدارس في الستين سبعين سنه اللي فاتوا... بقينا بعد كاد ان يكون رسولا.... بقينا ملناش أي وزن حتى جوا مدارسنا... بقينا حاجه زي كل حاجه في المدرسة... كل حاجه بتحاربنا.. إعلام مدرسة المشاغبين... إعلام حمو بيكا والشاكوش... إعلام الفساد وانعدام الأخلاق... بقينا بنحرت في ميه وسط كل حاجه بتحاربنا... عارفين إننا مبقيناش لنا تأثير على ولادنا في المدارس... صحيح كل حاجه باظت حتى شوية من المدرسين في كل مكان بقوا زي كل اللي حواليهم... لكن صدقونا ... مفيش حاجه هتتصلح في مصر إلا لما يتصلح التعليم ... مدرسة و مدرس ... محتاجين نرجع بلدنا تاني زي الاول... لما كان اللي متخرج من مدارس مصرية زي الدهب... محتاجين نرجع مكان للتربية والتعليم ... الكلام ده محتاج حاجات كثير لكن مش صعبة لو عرفناها وقررنا نعملها... احنا على الأقل 2 مليون مدرس... نقدر نحاول نغير مصر للأحسن... ومصر هتتغير للأحسن لما التعليم يكون أحسن ... احنا علينا حمل كبير مش بس علشان حالتنا المادية اللي زي الزفت... لا... احنا كمان عندنا مسئولية نحمي بلدنا وولادنا... وعيب اننا نخبي وشنا وهمنا جوا فصولنا ... لازم نحمي مستقبل مصر ومستقبلنا.