الفلاحين الرسالة الاولى

#الفلاحين الرسالة الاولي عارفين ان احنا ماليين كل حتة في مصر... احنا اصحاب الأرض الخضرا والنخل العالي... إحنا الي خضرنا الأرض الصفرا... إحنا اللي بنعلم ولادنا ونخليهم رجالة... إحنا اللي شايلين تاريخ مصر في سواد الأرض وخضارها... إحنا ولاد مصر اللي بنطلع خير أرضها... اللي عنده كام فدان ولا كام قيراط بيزرعهم ويحصد خير لكل ولاد مصر وأهلها... تفكروا ليه بيعملوا معانا كده ... يبيعولنا الميه ليه... ياخدوا ضرايب على طلمبات الميه ليه... خمس تلاف جنية ليه... هي الميه دي مش بتاعة الناس كلها ... والخير اللي بيطلع للناس كلها... مش الميه دي حق كل واحد على الأرض دي... بعد ما ضيعوها جايين يبيعوها لينا... احنا بقالنا سنين طويييلة جدا ظهرنا محنى على أرضنا... محدش بيفكر يوسع علينا وعلى ولادنا في كل أرض مصر الواسعة ... ده لما حد بيعمر حتة أرض صحرا بياخدوها منه... حتى في أرضنا الضيقة القديمة مضيقين علينا وخانقينا... مش هنقدر نفضل كده... لازم ننقذ أرضنا وميٍّتنا ونخلنا وأرضنا الخضرا... اللي تعبت من سنين تقيلة عليها وعلينا... خليكوا معانا يا فلاحين مصر أصحاب الأرض الخضرة والنخل العالي... ننقذ أرضنا وبلادنا وولادنا قبل ما ياكلنا طوفان الفقر وقلة الحيلة #المجلس_الثوري_المصري