الأطباء – الرسالة الثانية .. انتم عرفين في كام دكتور ساب مصر السنتين اللي فاتوا

الرسالة التانية الأطباء انتم عرفين في كام دكتور ساب مصر السنتين اللي فاتوا .... مش أقل من اتناشر ألف من إجمالي تمنين الف دكتور بيمارس الطب داخل مصر... طيب انتم عارفين عدد الدكاترة اللي بيحاول يمتحن البورد أو أي امتحان مناظر علشان يسافر بره... طيب انتم عارفين في كام دكتور بيحاول يسافر يروح الخليج يشتغل هناك... مش هقولكم بقيت الأرقام لأنها محزنة ومؤلمة...و كإن في هجرة جماعية لكل الكوادر من مصر... مش هقولك خليك قاعد علشان الشعارات الخايبة الي بيقولها النظام... لا ... محدش يزايد على حد في حب مصر ولا الأهل والأرض والوطن... لكن هقولك وبعدين... لما كل الناس المتعلمة تطفش وتسيب البلد بقيت الشعب هيعيش ازاي .. خدوا بالكم ان احنا اتعلمنا من ثروة الشعب ده وفلوس الشعب ده.. وعلينا دين لكل واحد في مصر لازم نسدده... والسداد مش فلوس.. السداد اننا نحاول نوفر لهم بلد كريمة وده واجب علينا نسيناه من زمان... واجبك تناضل علشان أهلها اللي ليهم دين في رقبتنا كلنا... كل مستشفى ومركز طبي الدكاترة يبنوا عملهم النقابي بهدوء...علشان لما تيجي لحظة النضال تكونوا جزء من تحرير مصر.. ولو هتسافر متنساش اهل بلدك البؤساء إللي علموك وكبروك.... كتفي في كتفك... وحد صفك ... حرر من الظلم أرضك #رسائل_المجلس_الثوري #المجلس_الثوري_المصري