الطلاب الرسالة الثانية

#الطلاب الرسالة الثانية اتكلمنا في الرسالة الاولى للطلبة عن تاريخنا وواجبنا أدام اللي بيحصل في مصر، إتكلمنا إن احنا اصحاب الأرص المنهوبة وإننا لو مجبناش حقنا بإدينا هنفضل نتفرم من غير رحمة... هنعيش ونموت في ساقية تحطمنا وتحطم كل اللي حاولينا.. محتاجين لما نتخرج نلاقي بلدنا زي ما احنا عاوزينا أو على الأقل نكون على طريق نفرشه لولادنا ولينا لما نكبر... ونحس اننا رجالة مش مجرد عبيد. كلامنا هنا لطلبة الجامعة ولطلبة ثانوي ... دول المستقبل... ودول القوة ... ودول أصحاب العقول النقية واصحاب القلوب الفتية.... كلامنا ليهم ... كلامنا لكوادر تبني مصر الحرة. الخطوة الأولى يا شباب إننا في كل مدرسة ثانوي عام – صناعي – زراعي – تجاري في كل مصر، وفي كل كلية في كل جامعة، محتاجين خمسة سته في كل مكان من دول، يبقوا هم قلب المكان اللي يقدر يجمع ويضخ الأمل والأفكار جوا المكان (سواء مدرسة ولا كلية) رجالة تقدر تدير وتحرك وتنظم الطلبة علشان يطلبوا حقهم، مبقاش في اتحادات طلبة تتكلم عن الطلاب ، خلينا نعملها بس مش بشكل معلن، 5 ستة طلبة واثقين في بعض يكونوا القلب ده... من غير ما يعلنوا ويكونوا هم قلب الحركة وهم اللي يحركو كل الطلبة لما تيجي لحظة ثورة الشعب وكمان هيكونوا هم نقطة النور لكل طلبة المكان اللي هتدلهم على الطريق. الكلام ده محتاج رجالة ملتزمة وفاهمة يعني ايه عمل بره عيون النظام... طول ما انت مركز وملتزم مع زمايلك هتكونوا زي الوحوش وهتكونوا انتوا الأقوى. كتفي في كتفك... وحد صفك... احمي بلادك ... حرر أرضك #الطلاب #المظاهرات_الطلابية #مظاهرة_كوبري_عباس #المجلس_الثوري_المصري